話說井底之蛙既我第一次認識廣東話詩,超開心!唔識,又好想學人寫番首,於是瘋瘋癲癲咁起行，發覺廣東話詩其實好難寫,有志者不妨又試下！人生第一首，請發笑：
當「叮噹」遇上「多啦A夢」
老豆同我講：唔捨得「叮噹」…
我話門鐘早幾日換過
佢話「叮噹」就係「叮噹」
換左個聲就唔再係「叮噹」
我話「鐘聲」就係「鐘聲」
換左把聲都仲係門鐘
我同老豆講：好掛住「多啦A夢」
佢覺得我係度發夢
問我到底夢有幾多種？
A夢同A片係咪異曲同工？
我話佢諗多左
佢叫我睇少陣
於是我哋決定一齊睇少少
最後竟然見到「大雄」
知道「叮噹」就係「多啦A夢」
「靜怡」和「靜香」並無唔同
好彩「大雄」仲係「大雄」
「叮噹」仲係「叮噹」
「多啦A夢」仲係「多啦A夢」
個名改左，把聲其實無唔同
「今日嘅地球」同「明日嘅地球」仲係「地球」
「保全叔」去左「明日嘅地球」找「叮噹」定「多啦A夢」？
「找叮噹嘅保全叔」同「找多啦A夢嘅保全叔」都仲係「保全叔」
換左時空，記憶其實仲係度
